Чаддагаар нь энд л бичий дөө

Өдөр бүрийг сайн сайхан зүйл бодож эхлүүлий гэж бодоод хэрэгжүүлж байгаа боловч өнөө өглөө тэгж чадсангүй. Өглөө ажилдаа явах гээд гарсан чинь манай урд талын зогсоолын эгч яваагүй машин таглаад тавьчиж. Утас руу нь залгалаа утсаа салгачжээ. Хамгаалагчид хэллээ. Гаражид тавьж байгаа машинуудыг бүртгэл гэсэн халтар хултар урагдсан дэвтрээ хэд дахиж эргүүллээ байдаггүй гэнэ дээ. 90 тоот гэсэн гээд нэг хамгаалагч залууг явууллаа биш байна гэсээр ирлээ. Тэр хооронд утас руу нь залгаад, нэг хамгаалагчийг нь бүртгэлээ шинэчлээч ажлаасаа хоцорлоо бла бла гээд хүлээгээд л байлаа. 30-аад минут өнгөрлөө. Аль хэзээний замынхаа талаас илүүг хороосон байдаг хугацаа. Үлдсэн хамгаалагч өөрөө явлаа. Манай орц руу орж байж байснаа гарч ирээд өө энэ орцонд 90 тоот гэж байдгүйн байна 91-ээс эхэлж байна ш дээ гэсээр гарч ирдэг гэнээ. Нөгөө түрүүнд явуулсан хамгаалагч залуу ямар юмныхаа 90 тоотыг тогшсын мээдкү. Удалгүй нөгөө эгч гараад ирлээ. Та нээрээ арай ч дээ 40 минут хүлээлээ, утсаа нээхэд яадаг байна хүний машин таглаж тавьчаад ингэж болохгүй, чухал ажилтай байхад ажлаасаа хоцорлоо дарара гэсэн чинь хар цагаан дуугүй явж байснаа өө энэ машин уу хэд хоног гарахгүй гэж хамгаалагч нар хэлсий ш дээ гэнээ. Ёооё үнэхээр хэлэх үг олдсонгүй. Ийм хүнтэй юуга ярихав дээ. Хэзээ хариуцлага гээч юмыг ухамсарлаж, хэзээ соёлоо байг гэхэд хүнд гай болохгүй шиг амьдардаг болохын болоо мэдкү.
Би лав хүний машин хааж тавьчаад унтах гэсэн нойр ч хүрэхгүйн байна лээ. Нэг удаа гаражын аман дээр өчнөөн машин хааж тавьчаад орсын. Орохдоо манайх тэдэн тоот шүү бичээд ав миний утас энэ дээр байгаа хүн гары гэвэл шууд залгаарай гэж хэлж хэлж орсон мөртлөө унтах гэсэн нойр хүрдгүй одоохон л дуудах юм шиг санагдаад утас унтарчаагүй байгаа гэж байн байн шалгасаар байгаад өглөө болгоод хамгийн түрүүнд машинаа гаргаж байж санаа амарсан. Би мундаг ухамсартай гэж хэлэх гээд байгаадаа ч биш. Угаасаа хүнд тус болж гийгүүлдгүймаа гэхэд гай болж амьдарч болохгүй шүү гэж сургасан аав ээжийн ач байх гэж боддог.
Тэр эгчийн буянаар ид түгжирдэг цагаар хөдөлгөөнд орж бүтэн 1 цаг ажлаасаа хоцроод ямар ч эрч хүчгүй амьтан л сууж байна даа гэж.
Заза одоо марты. Дахиж ийм явдал болохгүй байгаасай гэж найды.
Өчигдөр орой нэг инээдтэй ч гэмээр юм болов. Гэхдээ бас эмгэнэл л дээ хммм. Нөхөр бид 2 орой 10 өнгөрч байхад дэлгүүр орох гээд гарлаа. Хадам аав ээж 2 Улаан-Үд явж Итгэлт хамбад мөргөнө гээд урд шөнө явсын. Өнөдржин гадуур явж юм бэлдсэн боловч мартсан авч амжаагүй юм байна гээд бидэн 2 гарваа.
Гайгүй том дэлгүүр ортол бас хөөрхөн зайтай. Эхлээд 2лаа алхчы гээд явж байтал гэнэт бид 2-н явж байгаа зүгээс агсан тавьж байгаа хүний дуу хадаж байнаа. Та нарыг бүгдий нь хутгалаад алчы, үр хүүхдүүдтэй чинь бүгдий нь ална гэж орилоод бид 2 өөд өөдөөсөө харснаа ерөөсөө машинтайгаа явы гээд буцаад алхсан чинь нэг хүн араас пижигнэтэл гүйгээд урд гараад гүйчлээ. Эргээд харсан чинь нөгөө хутгатай нөхөр араас гүйж байна шүү орилж чарлаад бид 2 шууд зугтаагаад нөхөн намайг хөтлөөл гүйцэн хаха. Дахиад эргээд хартал Хөөе 2-оо гээд бүр орилоол араас гүйгээд байнаа хамаг байдгаараа гүйгээл орцныхоо тэнд ирсэн чинь ашгүй хүмүүс байна шүү тэгэнгүүт юу ч болоогүйм шиг лаг намбалаг алхаж нтр хаха. Машиндаа ороод үхтлээ инээлээ шд ёооё хутгалуулцан бол яаанаа гэцэн.
Бодоод байхад Монголд амьдрах үнэхээр хэцүү байнаа. Гүйээ тэгээд амьдрахгүй гээд ч яалтай. Өөрөө гадагшаа явна гэж зүтгэсэн ч ээж ааваас визэн дээрээ хар тамга даруулаад зөвхөн монголдоо болцон хүн чинь хаха. Өчигдөр бодуул оюутнуудын 70 буусан байх гэж таамагласан. Энд тэндгүй бөөн бөөн хүүхдүүд дэлгүүрээс архи пиво авцан л байжээсан.

Зааз муухай юм бичихээ болилоо. Өнөөдөр сайхан теннисний өдөр. Нөхөр бид 2 нүүр номны ширээний теннисний клубт бүртгүүлцэн. 2 дахь хагас сайн болгонд тоглодог гэнээ. Түрүүчийн хагас сайнд очиж тоглосон. Гоё юм байна лээ. Байнга тоглодог хүмүүстэй тоглоод байвал хурдан сайжирмаар санагдсан. 3 ширээтэй. 1-р ширээнд лагууд, 2-р ширээнд сайчууд, 3-р ширээнд дундчууд муучууд тоглодын байна лээ. Одоохондоо 3 дээр байгаа удахгүй 1 дээр тоглодог болохын төлөө зүтгэнэ дээ.
Аа бас нэг хэсэг Свийт киченд ороод торт, кексэнд донтоод. Одоо ямар ч байсан баяр ёслолоор гэрийнхээ хоол ундны асуудлыг зохицуулаад байхаар л болсон.
Тэрний дараа бас нэг хоббитсон юм нь юм нэхэх. Эхний ээлжинд хадам дүүгийн охинд малгай ороолт, бойтог нэхэх гээд 2 янзын зүү, хэдэн утас авцан. Өрөөсөн бойтог нэхэгдцэн байгаа хихи. Уул нь хүмүүс бойтгийг бол кино үзэх зуураа л нэхчдэг гэсэн миний хувьд өрөөсөн бойтгийг 2 орой нэхсэн хаха яст мэлхий юмуу хаашаййн.
Дуусчхаараа эндээ нэхсэн юмныхаа, торт хоол ундны зургуудаа оруулнаа.